„Пратениците на ВМРО-ДПМНЕ работат за арач-политиките на нивниот шеф Никола Груевски, а не за интересите на граѓаните. Нови давачки, нови казни за нивно неплаќање и нови извршители на врата ги чекаат граѓаните кои не користат парно греење, а добиваат сметки“, обвинуваат од СДСМ.
„Овие граѓани понатаму ќе имаат обврска да плаќаат за парното што не го користат, поради пратениците на Груевски во Собранието. Пратениците на ВМРО-ДПМНЕ го одбија предлогот на опозицијата граѓаните што се исклучени од системот на парно греење да не плаќаат сметки. Со тоа ги оставаат рацете на Груевски и на Ставрески да ги празнат до последен денар џебовите на граѓаните. Поради Груевски и ВМРО-ДПМНЕ, на Македонија ѝ се случува незапаметена сиромаштија“, пишува во соопштението на СДСМ.
Како што велат од партијата, опозицијата во предизборната програма предвидува укинување на сметките за парно за граѓаните што се исклучени од системот на парно греење.