Работничката партија на Курдистан (ППК) ја презеде одговорноста за бомбашкиот напад врз полицијата во градот Џизре, во кој загинаа најмалку 11 лица, а 78 беа ранети.
Во соопштението на веб-страницата на ППК се наведува дека нападот бил одмазда за „континуираната изолација“ на нивниот осуден лидер Абдулах Оџалан и поради недостиг од информации за неговата здравствена состојба.
Оџалан е во затвор на островот Имрали и повеќе од една година не е дозволена посета од страна на адвокат и негови приврзаници.
Џизре се наоѓа во провинцијата Ширнак, која се граничи со Сирија и со Ирак. Во таа област мнозинството жители се Курди.