Советниците на 24 тата седница на Советот на општина Струга гласаа против предлог-одлуката за забрана за педалинките на струшкиот брег од Охридското Езеро.
Општината планираше да забрани паркирање и издавање на педалинки за време на летната сезона. Но мнозинството од градските избраници оценија дека таквата одлука ќе им го намали приходот на голем број семејства, кои значаен дел од средствата за егзистенција ги обезбедуваат преку изнајмување на овие реквизити за забава на вода.
Градоначалникот Рамиз Мерко, порача дека и без одллука на советот, Општина Струга преку инспекциските служби ќе најде начин да ги забрани педалинките.
Минатата туристичка сезона триесеттина изнајмувачи на педалинки протестираа против тогашната одлука на општината да не им дозволи да работат.