Три нови досега непознати видови водени инсекти се пронајдени во националниот парк „Маврово“.
Како што јавува порталот „Балкан риверс“, научниците ги откриле инсектите што спаѓаат во видовите drusus krpachi, potamophylax lemezes и siphonoperla korab во соработка со Волфрам Граф, доцент на виенскиот Универзитет за природни ресурси и природни науки.
Засега инсектите не се целосно истрaжени, но научниците апелираат дека тие веќе се изложени на ризик од истребување, поради планот на македонската влада за изградба на 22 хидроцентрали во Националниот парк „Маврово“.
– Хидроелектраните, одводот на вода и каптирањето што доаѓа со него, ги изложува овие чувствителни видови, кои живеат на овој локалитет, на ризик од исчезнување – вели Волфрам Граф.