Францускиот претседател Франсоа Оланд денеска оцени дека бавното носење на одлуките е главен проблем на Европска Унија, без разлика дали станува збор за финансиска криза, борба против тероризмот или заеднички одговор на бегалската криза.
Во интервју, објавено во денешното издание на германскиот весник „Билд“, Оланд рече дека Европа на крај секогаш успева да најде решение, додавајќи дека таа ќе мора да „плати висока цена за изгубеното време“.
Оланд, кој денеска ќе се сретне со германската канцеларка Ангела Меркел, оцени дека е потребен заеднички одговор на Европа за бегалската криза наместо да се носат поединечни национални одлуки.