Министерството за здравство соопшти дека во последните 24 часа во земјава се направени 2.557 тестови за ковид-19, со што се откриени 340 нови случаи, од кои во Скопје се повеќе од половина – 198, по што следува Велес, со 21 нов случај. Од вкупниот број на позитивни (340), 56 се реинфекции, односно повторно заразени.
Со најновата статистика, во Северна Македонија е надмината бројката од 300.000 случаи, односно сега таа изнесува 300.106 позитивни случаи.
Во истиот временски период, регистрирани сe 526 оздравени пациенти и 2 починати лица од Скопје (84г) и Кичево (75г). Пријавените лица се починати во болнички услови.
Согласно Регистарот на умрени лица со дијагноза КОВИД-19 од Мој Термин, дополнително се пријавени 9 починати лица од: Скопје (4), Куманово (1), Гостивар (1), Свети Николе (1), Крушево (1) и Гевгелија (1).Починатите лица се на возраст од 63г. до 93г., за нивната смрт била пријавена меѓу 16.02. и 04.03.2022.
Од вкупниот број починати лица, кај 8 лица се регистрирани коморбидитети.
Досега во земјава се направени вкупно 1.910.601 тестирања за ковид-19, а вкупниот број откриени случаи изнесува 300.106, бројот на оздравени пациенти е 288.761, а на починати е 9.097.
Бројот на активни случаи изнесува 2.248.