Чешката полиција денеска соопшти дека во текот на викендот непознати луѓе на северот на Косово пукале на автомобили во кои имало чешки и германски полицајци и дека сè завршило без ниеден повреден и само со скршени ветробрани.
Непознатите напаѓачи во неделата попладне отвориле оган на два автомобили на ЕУЛЕКС во кои имало четворица чешки и еден германски полицаец и еден прведувач.
– Двата автомобили биле погодени во ветробранското стакло. Калибарот сè уште го проценуваме. Со оглед на оштетувањето, можеме да претпоставиме дека се работи за оружје со мал калибар, приближно девет милиметри – соопшти портпаролката на чешката полиција, Јана Мацаликова.
Истрагата за нападот ја води ЕУЛЕКС во соработка со локалната полиција, а Мацаликова рекла дека мотивот за нападот засега не е познат, но дека е можно да се работи за обид за убиство.
Чешките полицајци на кои било стрелано се од единицата задолжена за обезбедување сведоци за време на транспорт, за конвои и за странски функционери.