Високата претставничка за надворешна политика и безбедност на Европска Унија, Федерика Могерини, за време на посетата на САД истакна дека особено е важно Украина да не „пропадне“, но и оти треба да се оживеат преговорите со Русија.
Според Могерини, „пропаѓањето“ на Украина би претставувало победа за Русија затоа што со тоа ќе се потврдат ставовите на оние кои тврдат дека склучувањето на Договорот за приклучување кон ЕУ води кон нешто негативно.
Високата претставничка нагласи дека продолжувањето или ублажувањето на санкциите кон Русија, од кои дел истекуваат во март, зависи од ситуацијата во теренот и од спроведувањето на Спогодбата од Минск.
Могерини, исто така, рече дека Русија е најголем сосед на ЕУ и поради тоа Брисел дополнително мора да се потруди за воспоставување дијалог со Москва.