Спорт Мишел Платини ја потврди кандидатурата за претседател на ФИФА

Мишел Платини ја потврди кандидатурата за претседател на ФИФА

Претседателот на УЕФА, Мишел Платини, денеска потврди дека ќе се кандидира за наследник на досегашниот шеф на светската фудбалска организација (ФИФА), Сеп Блатер, на изборите закажани за 26 февруари следната година, јавуваат светските медиуми.

Платини денеска изјавил дека „ФИФА треба да сврти нов лист“ по обвинувањата за корупција во нејзините редови.

Кандидатурата на актуелниот претседател на УЕФА, наиде на жестоки критики од двајцата потенцијални ривали за претседателската функција во ФИФА, принцот Али бин ал-Хусеин и Муса Билити, кои тврдат дека Платини е лош избор за шеф на ФИФА.

Досегашниот претседател на ФИФА, Сеп Блатер, на изборите на 29 мај годинава, го доби петтиот мандат да ја води организацијата, но по четири дена си поднесе оставка поради истрагите за корупција во ФИФА, што ги почнаа Федералното истражно биро на САД (ФБИ) и швајцарските истражни органи.