Голем пожар ја зафати денеска базиликата Сен Донатијан од 19 век во Нант, на западот на Франција, и целосно го уништи покривот на базиликата.
Пожарот избил во утринските часови, по мисата, а верниците се евакуирани, соопшти за локалните медиуми, свештеникот Беноа Бертран.
Околу 40 пожарникари се ангажирани за гаснење на пожарот.
Никој не е повреден во огнот иако во моментот кога избил пожарот, на покривот се наоѓале работници што го поправале.
– Истрагата со сигурност ќе утврди, но работите на покривот, судејќи пo сè, биле причина за несреќата – рече градоначалникот на Нант.