.jpg){kind=link}
Во период од три месеци, Илон Маск донирал околу 75 милиони долари за „про-Доналд Трамп“ кампањите, покажуваат наодите на Федералната изборна комисија, нагласувајќи како милијардерот станал клучен финансиски фактор за напорите на републиканскиот кандидат да победи на претседателските избори во САД, пишува Гардијан.
Америка PAC, која е фокусирана на излезот на гласачите во тесно спорните држави кои би можеле да одлучат за изборите, потрошиле околу 72 милиони долари од таа сума во периодот јули-септември, според обелоденувањата поднесени до Федералната изборна комисија.
Тоа е повеќе од кој било друг „про-Трамп Супер Пак“ фокусиран на излезот на гласачите. Кампањата на Трамп во голема мера се потпира на надворешни групи за определување на гласачите, што значи дека „Супер Пак“ основан од Маск – најбогатиот човек на светот – игра огромна улога во битката меѓу Трамп и демократскиот кандидат Камала Харис.
Маск, извршниот директор на производителот на електрични автомобили „Тесла“, бил единствениот донатор на групата во тој период.
На објава на социјална мрежа „X“ тој изјави дека ќе „води серија разговори“ низ Пенсилванија, помалку од две недели по неговото појавување на митинг со Трамп во државата. Маск изјави дека луѓето треба да потпишат петиција на неговата веб-страница „America PAC“ за да присуствуваат на неговите разговори од утревечер до понеделник.
Маск, кој изјави дека гласал за претседателските кандидати на Демократската партија во минатото, направи остар пресврт надесно на овие избори. Тој го поддржа Трамп во јули и се појави со него на митинг во Пенсилванија претходно овој месец.
Донациите на Маск за „America PAC“ го ставија во ексклузивниот клуб на републикански мега донатори, листа на која се вклучени и банкарскиот наследник Тимоти Мелон и милијардерката Миријам Аделсон.
Сепак, претходно овој месец беше објавено дека Маск тајно финансирал конзервативна политичка група со години, многу пред неговото јавно прифаќање на Трамп.