Повеќе од три часа трае средбата на еврокомесарот Јоханес Хан со лидерите на ВМРО-ДПМНЕ и на СДСМ, Никола Груевски и Зоран Заев, во резиденцијата на Европската унија на Водно.
Новинарските екипи немаат пристап во резиденцијата и средбата ја следат од улица.
По повеќечасовно чекање, од мисијата на ЕУ на новинарите, фоторепортерите и на камерманите им донесоа храна и вода.
Ваквиот потег предизвика дилеми кај новинарите дали средбата ќе трае уште долго.