Три цивили, меѓу кои едно дете, убиени се на југот на Саудиска Арабија во гранатирање од правец на Јемен, соопшти денеска сириската државна новинска агенција СПА.
Гранатирањето се случило синоќа, а мета на нападот била провинцијата Џазан, на границата со Јемен.
– Билансот е смрт на три цивили, меѓу кои и едно дете. Девет лица се ранети и префрлени во болница – соопшти Јахја Абдалах ал-Кахтан од цивилната одбрана.
Бунтовниците Хути, кои го поддржуваат Иран, во последна време ги интензивира операциите на границата со Саудиска Арабија и истрелаа неколку ракети кон оваа земја.
Од март 2015 година, кога почнаа воздушните операции на меѓународната коалиција предводена од Саудиска Арабија, настрадаа 90 саудиски војници и цивили.
Според податоците на ОН, во Јемен оттогаш настрадаа речиси 6.000 лица, меѓу кои 2.795 цивили.