Камионџиите во Франција за утре најавија блокада на најголем дел од патните правци низ земјата, а синдикатите ги повикаа на штрајк работниците во метрото во Париз во знак на противење на спорните реформи на законот за работа, за кои сметаат дека се на штета на работниците.
Повикот на штрајк синдикатите го упатија откако владата минатата недела одлучи да го заобиколи парламентот и да ги усвои овие реформи.
Додека синдикатите изразуваат незадоволство, францускиот претседател Франсоа Оланд смета дека реформите ќе ги охрабрат работодавците да вработуваат нови работници.