Филипинските пожарникари не успеале целосно да го изгаснат пожарот кој пред 40 часа избил во фабрика јужно од Манила, а во кој се повредени најмалку 126 работници.
Меѓу повредените има и двајца Јапонци, соопштија локалните власти.
Локалните власти наведуваат дека нема знаци дека во фабриката останале заробени некои работници, имајќи предвид дека шест се водат за исчезнати.
Пожарот изби во средата навечер, а пожарникарите дури по 18 часа успеале да го стават под контрола. Се очекува во текот на денов да биде целосно згаснат.
Некои од вработените скокнале низ прозорците на трикатната фабрика, која произведува делови да монтажни куќи, што се изведуваат во Јапонија.
Се претпоставува дека пожарот избил поради прегревање на одредени машини за производство.
Во фабриката, која се наоѓа 26 километри јужно од Манила, се вработени околу 15.000 лица, а третина од нив биле на работното место кога избил пожарот.
WATCH: More than 100 workers injured and at least 3 missing in a fire that hit a huge factory south of Manila, Philippines. pic.twitter.com/V1Hk76ul1B
— Carolyn Murray (@cmurraywcbdtv) February 2, 2017