Експертите за човекови права на Обединетите нации денеска ги повикаа САД да се спротивстават на порастот на расистичкото насилство и ксенофобија во оваа земја и да ги процесуираат извршителите на злосторство од омраза.
– Ние сме шокирани од насилството во Шарлотсвил и расната омраза која ја искажаа екстремно десничарските националисти, приврзаниците на супремацијата на белата раса и неонацистичките групи. Повикуваме на процесуирање и соодветни казни за сите извршители и брзо отворање на независна истрага за овој настан. Актите од омраза и расистичкиот говор на омраза мора недвосмислено да бидат осудени. Злосторствата од омраза мора да бодат истражени, а извршителите процесуирани “ соопштија независните експерти на ОН во изјавата објавена во Женева, каде е седиштето на Агенцијата на ОН за човекови права.
Американскиот претседател Доналд Трамп вчера го осуди расизмот и неонацизмот, но рече дека и двете страни се виновни за насилствата во Шарлотсвил, кои избија за време на викендов. Но судирите кои измија за време на протестот на неонацистите, скинхедсите, приврзаниците на некогашната организација „Кју-клус-клан“ и други екстремисти и контрапротестот на нивните противници загина една 32-годишна жена, а 19 лица се повредени.