За време на антитерористичките акции на западот на земјата, египетските сили за безбедност по грешка отвориле оган врз возила во кои се наоѓале туристи, при што убиле 12 лица, а раниле десет Мексиканци и Египќани, објави египетскиот министер за внатрешни работи.
Војската била во потрага по „терористички елементи“ на тоа подрачје, кога настанала забуната и го нападнале конвојот од четири возила што ги користеле туристите.
Египетскиот министер најави истрага за тоа како и зошто возилата на туристите влегле во забранетото подрачје.
Египетските сили за безбедност се мета на повремени напади на бунтовниците, откако војската во 2013 година го собори исламскиот претседател Мохамед Морси.