Египет ќе ги депортира странските државјани кои се осудени на затворски казни во земјата, јавија светските агенции.
Одлуката за депортација, која следува по указот на египетскиот претседател Абдел Фатах ал Сиси, се донесува и на австралискиот новинар на телевизија „Ал Џазира“, Питер Грест.
Грест во декември минатата година беше уапсен заедно со шефот на египетското биро на „Ал Џазира“ во Каиро, Мохамед Фадел Фахми, кој има египетско и канадско државјанство, и со египетскиот продуцент Бахер Мохамед. Тројцата се обвинети за погрешно информирање за настаните во Египет, фалсификување документи, како и за поддржување на забранетото исламистичкото движење „Муслиманско братство“.
Судот во Каиро им изрече казна затвор од седум години на Грест и на Фахми, додека на Мохамед – казна од 10 години.