Државната изборна комисија (ДИК) денеска треба да одржи работен состанок на кој ќе се расправа како ќе постапи, откако утврди дека на изборите закажани за 5 јуни ќе настапи само една коалиција.
Иницијативата за овој работен состанок е на членовите на комисијата од ДУИ и од СДСМ, а од исходот на денешниот состанок ќе зависи дали оваа точка ќе се најде и на јавна седница на комисијата.
Инаку, ДИК вчера без жрепка утврди дека ВМРО-ДПМНЕ на избирачкото ливче ќе биде под редниот број еден.
На листата нема други партии, со оглед дека СДПМ ги повлече кандидатските листи, а партијата на Јанко Бачев е отстранета од изборите зашто не беа поправени нерегуларностите во законскиот рок на кои укажа ДИК.
Никола Груевски најави дека по одржување на изборите и по формирањето на новото Собрание во кое сите пратеници ќе бидат од коалицијата предводена од ВМРО-ДПМНЕ, ќе се одржат нови избори.
Сепак, меѓународната заедница предупреди дека таквиот собраниски состав нема да биде признаен.