Сега не е време да станеме дел од шенген-зоната и приклучувањето на нашата држава во овој простор нема да ни помогне, рече премиерот на Бугарија, Бојко Борисов.
– Сите велат дека Бугарија треба веднаш да стане членка на Шенген. Но, ова не е во наш интерес во моментот. Ако, од друга страна, тие сакаат да нè земат, ние со задоволство ќе прифатиме членство. Со години си играат со Бугарија. Сега ни требаат помалку игри и нема лесно да донесеме одлука за Шенген – рече Борисов.
Тој додаде и дека на 6 октомври, Бугарија ќе основа Европска гранична полиција.
– Ова ново тело, Европска гранична и крајбрежна стража, ќе почне со работа следниот месец со 1.500 вработени на неопределено време. „Гулаб писмоносец“ ѝ донесе на Бугарија 160 милиони евра – кажа Борисов во обраќањето до новинарите.
Европската комисија ќе обезбеди 160 милиони евра на Бугарија за да се справи со мигрантите со граничната полиција.