Надворешната канцеларија за криминалистички работи Виница до Јавното обвинителство за гонење организиран криминал и корупција поднелa пријава против 41-годишниот К.К. од селото Звегор, кој се товари за кривичното дело злоупотреба на безвизниот режим со државите-членки на Европската унија (ЕУ) и на Шенгенскиот договор.
Како што информираат од полицијата, осомничениот, на почетокот на јануари 2012 година, со возило транспортирал пет лица во Швајцарија, кои имале намера да стекнат социјални и економски права спротивно на прописите на ЕУ и на Шенгенскиот договор.
Според полицијата, за транспортот, осомничениот наплатил околу 31.000 денари.