Свет Затворен саудиски блогер е добитник на наградата „Сахаров“

Затворен саудиски блогер е добитник на наградата „Сахаров“

Саудиски блогер, кој е во затвор и јавно беше камшикуван поради своите написи, е добитник на наградата „Сахаров“ за слобода на мислење, што ја доделува Европскиот парламент.

Триесет и едногодишниот Раиф Бадави е уапсен во 2012 година и е осуден на 10 години затвор и на 1.000 удари со камшик поради навреда на исламот на интернет.

Првите 50 удари со камшик ги доби јавно во јануари. Остатокот од казната е суспендиран поради здравствени причини, но и поради острите меѓународни осуди.

Европратеникот Тамас Месзериц изјави дека Европа „не смее да молчи поради тортурата или ни за смртните казни за поединците што го изразуваат сопствениот став во Саудиска Арабија“.