Од вторник во Србија полицискиот час ќе трае еден час пократко, односно наместо од 17 часот во работни денови, ќе трае од 18 часот па до 5 часот следното утро, најави српскиот претседател Александар Вучиќ во гостување на телевизијата „Пинк“ вчера.
На постарите лица ќе им биде овозможено по половина час прошетка во периодот од 18 до 1 часот по полноќ во вторник, петок и недела, а ако ситуацијата дополнително се подобри, од следниот понеделник тие ќе имаат право да шетаат по половина час секој ден, порача Вучиќ.
Српскиот претседател рече и дека секој полнолетен граѓанин ќе добие по 100 евра на 11 или 12 мај, налик на мерките што ги спроведуваат други земји, како Јапонија, Сингапур и Хонг Конг.
Според него, од вторник ќе може да почне да работат градежните работници, занаетчиски дуќани и сервисерите, освен оние во тргоговските центри. Од следниот понеделник се очекува да почнат да работат и салоните за убавина, фризерите и теретаните, но со севкупната потребна заштита.