Вчера, во 16.10 часот, на магистралниот пат Штип – Радовиш, се случила сообраќајна несреќа при разминување на влекач „даф“ со кумановски регистарски ознаки и приклучна полуприколка „шмитз“ управувана од Н.А.(1977) од Куманово и автомобил „мерцедес Е-220“ со струмички регистарски ознаки сопственост и управуван од З. М. (1968) од Струмица.
Во несреќата со тешки телесни повреди, кома со крварење во черепна регија и повеќе рани во главата, се здобил З.М., кој со возило на Брза помош бил пренесен во Медицинскиот центар во Струмица од каде како итен случај бил препратен во Клиничкиот центар во Скопје на Клиниката за неврохирургија.
Увид на местото на несреќата извршиле јавен обвинител и увидна екипа од СВР-Штип. Сообраќајот бил во прекин до 20.50 часот, а потоа бил целосно нормализиран.
Дел од медиумите јавија дека лицето што е потешко повредено е музичарот Зоран Маџиров.