Ноторна лага е дека СДСМ е заинтересиран за чистење на одводните канали и за безбедноста на граѓаните и нивниот имот, реагираат од ВМРО-ДПМНЕ на прес-конференцијата на Дамјан Манчевски и на Љупчо Николовски.
„СДСМ е со години против одделувањето општински пари за чистење на одводните канали. Советниците на СДСМ со години не гласале за субвенционираното чистење на одводните канали во корист на граѓаните кои имаат земјоделско земјиште и барале повлекување на точките од дневниот ред. Скандалозно и непоимливо, надвор од границите на здравиот разум“, пишува во соопштението на владејачката партија.
Од ВМРО-ДПМНЕ додаваат дека денешната изјава е само уште една епизода од некрофилските сценарија на СДСМ и злоупотреба на трагедијата на граѓаните.