На предлог на Министерството за надворешни работи, се очекува Владата да го разреши Џејсон Мико од позицијата почесен конзул на Македонија во Тусон, Аризона, САД, на која беше именуван во 2013 година, дознава БИРН.
Неговиот ангажман за власта на ВМРО-ДПМНЕ вклучуваше консултантски услуги за кои бил платен од буџетот. БИРН дошла до два договора со кои Министерството за одбрана го ангажира Мико во 2015 и 2016 година за интелектуални услуги во вкупна вредност од 17.875 американски долари.
Пред да биде платен од буџетот, Мико беше и лобист за ВМРО-ДПМНЕ. Според документите заведени на Американската агенција за регистрација за странски соработници – ФАРА, ВМРО-ДПМНЕ за 7.500 долари месечно го ангажирала Џејсон Мико да дава консултантски услуги непосредно пред изборите на 5 јули 2006 година, на кои партијата дојде на власт.
Џејсон Мико во текот на целото време на владеењето на ВМРО-ДПМНЕ пласираше ставови многу сродни со партијата. Во последните десетина години беше посебно активен и на социјалните мрежи.
Со буџетски пари сме го плаќале за да пишува на „Твитер“ против американскиот амбасадор во земјава Џес Бејли, но и за мешање во внатрешните одлуки на администрацијата на САД.
Од доаѓањето на власт на Доналд Трамп, Мико беше посебно критичен кон Бејли. Во еден твит од крајот на ноември минатата година, тој дури го повикуваше да се покае поради „неговата непријателска работа кон Македонија“ за да биде спасен од Господ!
All true. At least we know that Baily and folks like him will spend eternity separated from God, who created them, and loved them. Though there is still time to repent, Mr. Ambassador, and change your ways and accept God’s free gift of salvation. You can then live a joyful life.
— Jason Miko (@JasonMiko) November 29, 2017
Речиси еден месец подоцна, во декември минатата година, напиша и дека Бејли го саботира спроведувањето на политиките на претседателот на САД, Трамп, поради тоа што има дијаметрално спротивни ставови од неговите.
Excellent point. But I expect @usembassymkd in #Macedonia to continue to do nothing to push @POTUS agenda for the simple reason that @AmbBaily holds a diametrically opposed worldview. Time for him to be recalled @nikkihaley @VP https://t.co/tz0un9HrKO
— Jason Miko (@JasonMiko) December 23, 2017