Двајца тинејџери се уапсени вчера под обвинение за тероризам во британскиот град Мослиј, јавува „Манчестер ивнинг њуз“.
Момчето и девојката, двајцата на возраст од 16 години, се уапсени поради вмешаност во подготовка и во поттикнување терористички чин и се наоѓаат во притвор.
Во рамките на истрагата се пребаруваат и нивните домови, јавува весникот.
– Сè уште не сме пронашле докази кои укажуваат на постоење ризик во Мослиј. Апсењата се изведени поради сомневање за тероризам и нормално е луѓето да поставуваат прашања, но истакнувам дека сите детали ќе бидат познати по завршувањето на истрагата – вели испекторката Каролин Бол.