Владата донесе одлука за укинување на препораките, донесени оваа недела, а кои се однесуваа на ослободување од работните обврски и препораките за избегнува вршење градежни работи на отворено, поради високата температура, кои требаше да важат до 4 август.
Како што соопштуваат од Министерството за здравство, препораките се укинуваат бидејќи според најавите од Управата за хидрометеоролошки работи (УХМР), во следните три дена ќе има намалување на температурата во целата држава.
Оттаму информираат дека надлежните служби ќе продолжат континуирано да ја следат состојбата и да преземаат мерки во согласност со временските услови.