Српската полиција денеска го уапсила српскиот бизнисмен Мирослав Богиќевиќ, сопственик на компанијата „Фармаком“, поради финансиски криминал и малверзации при подигнување кредити од банки. Има сомневања дека Богиќевиќ на банките им должи повеќе од 400 милиони евра, на српската Даночна управа – 13 милиони евра, а на деловните партнери – 41,5 милиони евра.
Овој бизнисмен, освен на „Фармаком“, сопственик е и на млекарницата „Шабац“, фабриката за акумулатори „Сомбор“, леарницата „Пожега“, како и на рудниците „Сува руда“ и „Леце“.