Претседателот на Европската комисија, Доналд Туск, денеска соопшти дека не е постигнат консензус меѓу државите-членки на Европската унија за воведување квоти за прием на подносители на барање за азил.
– Нема договор меѓу државите за воведување задолжителни квоти за мигрантите – изјави Туск на отворaњето на Европскиот самит, кој во најголем дел ќе биде посветен на миграциската криза.
Туск ја поддржа идејата за механизам заснован на доброволна основа, но тој не може да биде кредибилен доколку државите не се обврзат да го спроведат до крајот на јули.
– Механизамот заснован на добра волја не може да биде изговор ништо да не се прави. Солидарноста без жртвување е лицемерна – додаде Туск.
Повеќе од 100.000 луѓе илегално влегле во ЕУ од почетокот на годината преку Средоземно Море или Турција.