Ситуацијата со бегалската криза е тешка и бара соработка на европско ниво за да се реши причината за проблемите, рече грчкиот премиер Алексис Ципрас.
Грчкиот премиер, на средбата со холандскиот министер за надворешни работи, Берт Кундерс, рече дека е неопходен заеднички одговор на бегалската криза и оти е потребно да се решат причините што довеле до неа, како што е војната во Сирија.
– Целта е приливот на бегалци да се сведе на најмала мера и да се разбијат групите на криумчари – рече Ципрас.
Кундерс навел дека Холандија како претседавач со ЕУ се залага за консултации на европско ниво за решавање на бегалската криза.
Шефот на холандската дипломатија допатува во Атина по посетата на Скопје, каде ги повика членките на ЕУ да не ги затвораат границите за мигрантите и рече дека е најважно да постои „ефикасна гранична контрола“.