Германската полиција уапсила тројца Сиријци под сомневање дека биле пратени од Исламска држава за да извршат напади, соопштиле од федералното обвинителство, јавува „Би-би-си“.
Тројцата Сиријци, на возраст од 17, 18 и 26 години, биле уапсени по серијата полициски претреси на локации во сојузните држави Шлезвиг – Холштајн и Долна Саксонија, извршени утрово.
Засега не се најдени податоци за конкретни мисии и наредби, соопштило федералното обвинителство. Сепак, од полицијата велат дека заплениле голем број материјали.