Претседателот на САД, Доналд Трамп и Папата Франциск денеска се сретнаа во Ватикан каде што поразговарале половина час и си размениле подароци.
Папата Франциск на американскиот претседател му подарил три свои главни учења кои генерално ги подарува на шефовите на државите кои го посетуваат.
Дел од главните теми содржани во тие учења жестоко се спротивставуваат на политиките на Трамп и неговите ветувања дадени во предизборната кампања, посебно на полето на заштита на животната средина.
Трамп на папата му подарил книга на Мартин Лутер Кинг и му рекол дека се надева дека ќе ужива во неа. Состанокот помеѓу Трамп и папата е одржан зад затворени врати во Апостолксата палата во Ватикан.
Трамп во Ватикан пристигнал во придружба на сопругата Меланија која за разлика од посетата на Саудиска Арабија носела марама на главата, што е во склад со протоколот на Ватикан.
Во Италија Трамп допатувал со авион веднаш по посетата на Израел и ќе помине помалку од 24 часа, пред да замине во Брисел каде што ќе разговара со лидерите на Европската Унија и НАТО.
Трамп во Италија ќе се врати во четврток за да присуствува на самитот на Г-7.
Pres. Trump could be heard telling Pope Francis it’s a “very great honor” to be at the Vatican for first meeting. https://t.co/DPTg01xPcR pic.twitter.com/VxHlIXTZOh
— ABC News (@ABC) May 24, 2017