Новоизбраниот претседател на САД, Доналд Трамп, го именуваше за шеф за транзиција на администрацијата својот кандидат за потпретседател Мајк Пенс, познат по добрите врски во Вашингтон.
Досега оваа функција ја извршуваше гувернерот на Њу Џерси, Крис Кристи.
Повикувајќи се на неколку извори блиски со тимот за транзиција на Трамп, „Њујорк тајмс“ наведува дека новоизбраниот претседател рекол оти сака да ги искористи контактите на Пенс за непречено да се одвива процесот на транзиција.
Телевизиската мрежа „Ен-би-си њуз“ исто така јави за оваа промена, која се случи откако двајца поранешни соработници на Кристи беа прогласени за виновни во скандалот „Бриџгејт“.