„Автономија, автономија“ ,Ние не сме клиенти, ние сме студенти“, „Заокружете нè“ се паролите што ги извикуваат студентите на студентскиот марш. Тие се упатуваат кон Собранието на Република Македонија, извести репортерот на новинската агенција „Мета“.
Како што јави нашиот репортер, студентите масовно се приклучуваат на протестот, а за сè да помине во најдобар ред, имаат задолжено и редари. Се забележува и зголемено присуство на полицијата.
Студентите, во моментов, од Собранието се упатија пред владата на Република Македонија, а на фоторепротерите не им било дозволено да фотографираат од Триумфалната капија. Како што јави нашиот репортер, многу граѓани се прилучуваат на студентскиот марш при нивното движење.