Евокомесарот Јоханес Хан во Брисел изјави дека со отворањето поглавја за приклучување на Србија кон ЕУ, земјата станува постабилна, поблиска до Унијата и попривлечна за странските инвеститори.
Изјавата на Хан доаѓа во пресрет на денешното заседание на шефовите на европските дипломатии на Меѓувладината конференција ЕУ-Србија. На седницатаќе бидат отворени првите две поглавја од преговорите за евроинтеграции, односно поглавјето 32, кое се однесува на финансиската контрола, и поглавјето 35, посветено на нормализација на односите меѓу Белград и Приштина.
Српскиот премиер Александар Вучиќ, кој ја предводи српската делегација, изјави дека поглавјето 32 веројатно бргу ќе биде затворено, додека поглавјето 35 ќе биде мошне тешко и оти голема е веројатноста тоа да остане отворено до крајот на процесот на пристапување на Србија во ЕУ.