Пред да влезе во Европска Унија, Србија треба целосно да ги нормализира односите со Косово, а тоа би било потврдено и со правно обврзувачки документ, изјави шефот на австриската дипломатија Себастијан Курц, во интервју за НИН.
– Не е во интерес на ЕУ да ги прифати во полноправно членство членките кои се во конфликт со соседните земји, бидејќи тоа би значело „увоз“ на нестабилност – смета Курц, додавајќи дека Брисел е подготвен да го помогне и да го олесни процесот.
Според Курц, не е исклучена можноста Србија да биде принудена да се огради од Русија пред да влезе во ЕУ за да ги усвои надворешно-политичките ставови на Брисел.