Gjendja në Butel është relativisht e qetë pas tensioneve para pak orëve kur një grup maqedonë tentuan të marrin vendin ku duhet të ndërtohet kryqi i lartë.
Një grup i vogël i maqedonëve ende është në vendin e ngjarjes, por policia i mban ata në distancë prej 1 kilometri ku gjendet kampi kundër kryqit.
Policia është pajisur me topa uji dhe autoblinda.
Qytetarët që u grumbulluan “në mbrojtje të kryqit”, kanë ndezur kontejnerë dhe kanë brohoritur parrulla nacionaliste.
Në vendin ku gjendet kampi situata është e qetë, por ka prezencë policore.