Смената на директорот на УЈП, Горан Трајковски, не е договорена со СДСМ, изјави за „Мета“ портпаролот на СДСМ, Петре Шилегов.
– Не е разговарано на таа тема. Можно е да му истекува мандатот. Не сме изменаџирале ништо во таа смисла – изјави Шилегов.
Управата за јавни приходи беше спомната во извештајот на Прибе како област за која има силни критики и за која власта, заедно со опозицијата, треба да договори ослободување.
На прашањето до УЈП поврзано со огласот за именување директор и дали мандатот на Трајковски му истекува, портпаролката на УЈП нè препрати да побараме одговор од Владата. Одговор оттаму не добивме.
На телефонот на директорот Горан Трајковски, пак, одговори друго лице, кое ни кажа да го побараме подоцна.
Горан Трајковски е прв човек на УЈП девет години.