Бранот солидарност кон францускиот сатиричен весник „Шарли ебдо“ по терористичкиот напад во јануари, го зголеми бројот на претплатници за 20 пати, соопшти уредникот Ерик Портхол.
– Надминавме 200.000 претплатници – рече Портхол, додавајќи дека вкупниот приход изнесува 14 милиони евра, имајќи предвид дека просечната претплата изнесува 70 евра.
Пред нападот, „Шарли ебдо“ имаше само 10.000 претплатници. Магазинот доби и донација од 2,37 милиони евра, а парите ќе бидат уплатени на семејствата на жртвите на нападот, рече Портхол.
„Шарли ебдо“ од продажбата, претплатата, донациите и од јавната помош би можел да заработи 30 милиони евра, што е одлична сума за магазинот кој пред нападите имаше финансиски проблеми.