Во две одвоени несреќи на воени авиони, во Јужен Банат во Србија и во Алжир, загинаа над 200 луѓе.
Според српските медиуми, во 9.30 часот во регионот Јужен Банат во Србија, меѓу селата Ковачица и Идвор, се урнал школско-борбен авион Супергалеб Г4, откако претходно двајцата пилоти се катапултирале, но за жал едниот од нив загинал при падот на земја. Другиот со тешки повреди бил префрлен на Војно-медицинската академија (ВМА) во Белград.
Увидот е во тек.
Во големата несреќа што се случила утрово во Алжир, пак, загинале најмалку 200 луѓе. Воен транспортен авион што превезувал војници и воена опрема се урнал околу 8 часот недалеку од аеродромот „Буфарик“ на југот на Алжир. Од авионот се извлекуваат десетици мртви тела.
Dozens reportedly killed after military plane crashes into a residential area in #Algeria pic.twitter.com/9F59j76kr9
— Press TV (@PressTV) April 11, 2018