СДСМ со соопштение реагираше на денешната прес-конференција на Митко Чавков, директорот на Бирото за јавна безбедност, кој порача дека полицијата реагирала соодветно, откако биле потребни мерки од нејзината страна.
Партијата порача дека и Чавков е извршител на вчерашното дивеење, заедно со Никола Груевски, Ѓорге Иванов и со Трајко Вељаноски.
„Никој нема да ја избегне одговорноста за своите постапки. Непрофесионализмот и негрижата за безбедноста на граѓаните со вчерашното насилство во Собранието го достигна својот врв. Чавков е извршител на Груевски, заедно со Иванов и со Вељаноски и лицемерството не може да му помогне. Доаѓа време на професионализација на Министерството и стабилизација на целокупниот безбедносен систем во државата“, реагира СДСМ.