Соединетите Американски Држави го повлекоа финансирањето на Фондот за популација на Обединетите нации (УНФПА), кој промовира планирање на семејството во повеќе од 150 земји во светот, јавува „Би-би-си“.
Во соопштението на Стејт департментот било наведено дека УНФПА „поддржува или учествува во управувањето со програми за принуден абортус или стерилизација“.
Станува збор за првото од редицата кратења на американските финансиски донации за ОН, што претходно ги вети новата администрација на претседателот на САД, Доналд Трамп.
Од УНФПА соопштиле дека „жалат поради ваквата одлука“, и додаваат дека не прекршиле никакви закони.
САД повлекле 32,5 милиони долари од Фондот, за фискалната 2017 година.
Претходно оваа година, Трамп повторно ја воведе забраната за финансирање од страна на САД на секоја меѓународна организација која дава било каква услуга или совет во врска со абортусот.