Просечната нето-плата во април изнесува 22.356 денари и во однос на истиот месец лани е поголема за 2,8 проценти, објави Државниот завод за статистика.
Бруто-платата во април, пак, изнесувала 32.974 денари и во однос на истиот месец лани е поголема за 2,7 проценти.
Ваквото зголемување е резултат, пред сé, на зголемувањето на просечната нето-плата во секторите уметност, забава и рекреација (30,7 проценти), градежништво (12,7 проценти) и стручни, научни и технички дејности (12,1 отсто).
Во април годинава, 1,3 отсто од вработените во Македонија не зеле плата.