Просечната месечна исплатена нето-плата по вработен, во декември 2017 година изнесувала 23.850 денари и е повисока за 1,7 отсто од декември 2016 година, соопшти Државниот завод за статистика.
Зголемување се должи, пред сè, на повисоката исплатена нето-плата во секторите други услужни дејности (9,8 отсто), преработувачка индустрија (9,3 отсто) и објекти за сместување и сервисни дејности со храна (8,9 отсто).
Просечната бруто-плата пак изнесувала 35.017 денари. Во декември 2017 година, 1,2 отсто од вработените во Република Македонија не зеле плата.