Откако Здруженето за заштита на животни „Анима мунди“ објави видео на кое се гледа како човек тепа куче со гумено црево, Министерството за внатрешни работи информирше дека насилникот е идентификуван.
Според полицијата, станува збор за С.Т. од с.Ораовица. Со него е извршен службен разговор при што е утврдено дека наведените дејствија се извршени пред повеќе години и констатирано е кривично дело ‘мачење животни’ по член 233 од Кривичниот законик. Во координација со јавен обвинител од ОЈО Радовиш, против лицето ќе биде поднесен соодветен поднесок.