Германската канцеларка Ангела Меркел по завршувањето на самитот Г20 во Хамбург изјави дека остануваат „длабоките разлики“ помеѓу неа и турскиот претседател Реџеп Таип Ердоган.
Двајцата лидери се сретнаа на самиот почекот на дводневниот самит.
-Апсењата на наводните државни непријатели после минатогодишниот обид за пуч во Турција и спорот околу базите на НАТО се прашања кои јас ги покренав и кои покажуваат длабоки разлики. А ние тие разлики не ги ставивме под тепих – изјави германската канцеларка.