Општина Струга почна да го гради новиот објект на основното училиште „Браќа Миладиновци“, зафат што целосно го финансира општината Бујукчекмеџе, од Република Турција.
Камен-темелникот го поставија градоначалниците Зијадин Села и Хасан Акгун.
Вкупната површина на објектот изнесува 1.300 квадратни метри покриен простор.
Современиот објект ќе располага со 13 училници, пет административни канцеларии и една сала за состаноци.
Идното училиште ќе го носи името на основачот на современа Турција, Мустафа Кемал Ататурк, кој има семејно потекло од селото Кочаџик, Дебарско.