Малопродажните цени на Еуродизел и Екстра-лесното масло за домаќинство од ноќеска на полноќ ќе поевтинат за еден денар за литар, додека бензините Еуросупер БС-95 и Еуросупер БС-98 поевтинуваат за половина денар за литар, одлучи Регулаторната комисија за енергетика и водни услуги (РКЕВУ).
Моторниот бензин Еуросупер БС-95 од ноќеска на бензинските станици низ земјава ќе се продава за 81 денар за литар, додека 98-октанскиот бензин ќе чини 83 денари за литар.
Литар дизел гориво ќе се продава по цена од 80,5 денари за литар, а маслото за горење за 80 денари за литар.
Поевтинува и мазутот, кој од вечерва ќе чини 46,001 денари за килограм.