В понеделник почнува со работа канцеларијата „Купи куќа, купи стан“. Канцеларијата се наоѓа во Министерството за финансии и ќе биде отворена за заинтересираните за проектот секој ден од 10 до 15 часот.
Граѓаните таму ќе можат да се информираат за сите погодности што ги нуди „Купи куќа, купи стан“, како неповратни средства до 14.000 евра и ниски каматни стапки, но ќе можат да добијат податоци и каде можат да најдат станови по пониски цени – до 900 евра за еден квадратен метар во согласност со условите на проектот и каде се нудат парцели за изградба на куќа.
Министерството за финансии ги повикува сите градежни фирми што во моментов имаат понуда на станови до 900 евра за еден квадратен метар да се приклучат на проектот, со тоа што ќе испратат податоци за становите што ги продаваат на finance@finance.gov.mk.